HATAW! D'yaryo ng Bayan hatawtabloid.com
HINDi kami nagdalawang salita sa masipag na singer/songwriter/businessman na si Gari Escobar nang humingi ng alalay sa kanya ang grupo naming TEAM o The Entertainment Arts & Media para sa aming Feeding and Gift Giving project.
Ang Reception and Study Center for Children (RSCC) at Golden Reception and Action Center (GRACES), both located sa Bago Bantay, Quezon City ang beneficiary ng naturang proyekto.
Dapat ay nakatakda ang project na ito sa April this year, ngunit dahil sa nagiging mahigpit na naman ngayon, napagpasyahan ng TEAM na gawin ang aming Feeding and Gift Giving project sa Mayo.
Anyway, agad tumugon sa aming liham si Gari at nangakong magbibigay ng apat na sakong bigas, kaya labis ang pasasalamat ng TEAM sa kanyang pagiging laging supportive sa aming grupo.
Saad ni Gari, “Naghahanap po talaga ako ng mga ganyang projects dahil kailangan po iyan ng mga tao ngayon.”
Dagdag niya, “Nang na-invite n’yo ako sa New Year party ng TEAM, natutuwa ako sa inyo dahil very approachable lahat, kaya hindi ako na-out of place.”
Nalaman din namin kay Gari na may mga charitable institutions din siyang tinutulungan. “Mayroon po, iba-iba po kuya, walang specific para maikot ko silang lahat.”
Seryosong esplika ni Gari, “Utos po ito ng Diyos.”
Incidentally, ang virtual concert ni Gari ay na-postpone muna indefinitely dahil sa technical problems. Balak ni Gari na gawing title rito ay Concert for a Cause or Alay sa Frontliners.
ALAM MO NA!
ni Nonie Nicasio
