Barbie inisnab ang acting ni Maricel

HINDI pinanood ni Barbie ang orihinal na pelikulang Anak Ni Waray vs Anak Ni Biday na tampok sina Maricel Soriano at Snooky Serna noong 1984.

“Hindi, actually wala yata sa aming nakapanood, kahit ‘yung direktor namin, pero parang desisyon na rin ng lahat na huwag mapanood dahil hindi rin namin talaga totally…hindi namin talaga pinareho.”

“Re-imagined version” ang tawag ni Barbie sa kanilang seryeng Anak Ni Waray vs Anak Ni Biday na magtatapos na ngayong linggo.

Ang papel ni Barbie ay role noon ni Maricel sa pelikula.

“Pero siyempre wala naman pong makatatalo sa nag-iisang Maricel Soriano, so huwag na po nating i-achieve. Huwag na nating subukan pang i-achieve ‘di ba? 

“Ginawan na lang natin ng panibago.”

Kuwento pa ni Barbie, ”Tinimpla namin ni Direk Mark na kahit paano nandoon pa rin ‘yung touch of Ms. Maricel Soriano, especially iyon nga po ‘yung tinake-up kong role, so kahit paano kahit ba mas nilagyan namin ng drama na formula ‘yung show, nandoon pa rin ‘yung vibe.

“And since primetime siya gusto namin na matulog ‘yung mga tao na masaya, hindi naman ‘yung mabigat na mabigat.”

Si Mark Sicat dela Cruz ang direktor ng kanilang GMA show.

Samantala, dahil paboritong target ng mga basher ang mga artista, tinanong naman namin si Barbie kung paano niya hina-handle ang mga basher sa social media.

“Wala, deadma!”

Hindi siya sumasagot o pumapatol sa mga basher.

“Never kong na-experience na sumagot ako sa bashers.

“Kasi hahaba, eh. Tapos baka isipin ng ibang bashers, baka magselos sila na ‘yung isa pinansin ko ‘yung isa hindi.

“So baka mas dumami ‘yung bashers ko kaysa fans,” at tumawa ang aktres.

Rated R
ni Rommel Gonzales