HATAW! D'yaryo ng Bayan hatawtabloid.com
IPINABUBUSISI ni Manila Mayor Francisco “Isko Moreno” Domagoso ang isang operasyon na nag-aalok g mahal ngunit pekeng CoVid-19 swab test sa Maynila na nais umuwi sa kanilang lalawigan.
Ayon kay Mayor Isko, iniharap sa kanya ang dalawang suspek na nagpanggap na taga-city hall upang mambiktima ng mga Badjao, at pinagbabayad ng P1,000 kada swab test.
Halos 100 pekeng swab test results ang nakompiska sa mga nadakip na suspek.
Muling iginiit ng alkalde na libre ang swab test ng Manila city government.
Posible rin aniyang pakana ang modus ng malaking sindikato na dawit sa estafa at human trafficking.
