HATAW! D'yaryo ng Bayan hatawtabloid.com
NAHATAK ng kinang ng showbiz ang 16-year ld na si Samantha Marquez. Sa mediacon ng forthcoming movie na The Maharlikans, humarap si Samantha sa grupo ng entertainment press at nabanggit niyang kung mabibigyan ng pagkakataon ay mas gusto niyang gumanap sa role na kontrabida.
“Sakaling mabibigyan ng chance, siguro kontrabida, kontrabida role po ang gusto ko,” saad ng newbie actress.
May pagkamaldita ba siya? “Hindi po, hahaha!” Nakatawang sagot niya.
Si Samantha ay Grade-11 sa Angelicum College at pamangkin ng dating Caloocan Mayor na si Recom Echiverri.
Ano ang feeling niya na ang kanyang first movie ay malapit nang simulan? ”Yes, super excited po ako!” Matipid na sagot niya.
Since type niya’y kontrabida role, paano kung ang eksena ay sasampalin niya si Julia Barretto, okay lang ba ito sa kanya?
“Kung ‘yun po ang kailangan sa eksena. Kung hinihingi naman po sa istorya at iuutos ng direktor na kailangan kong sampalin si Julia, gagawin ko po,” tugon ni Samantha.
Dagdag niya, “Acting lang naman po ‘yun at sa harap lang po ng camera. Pero if given a chance, gusto ko rin po siyang maging friend.”
Kung matatandaan ay naging usap-usapan sa entertainment world, ang kanyang uncle na si former Mayor Recom at ang mommy ni Julia na si Marjorie Barretto.
Nang sinubukan ng mga taga-media na usisain si Samantha tungkol dito, ang nakangiting tugon niya ay: “No comment po ako riyan.”
ALAM MO NA!
ni Nonie Nicasio
