HATAW! D'yaryo ng Bayan hatawtabloid.com
SPEAKING of Ms. Len Carrillo, napasabit kami sa pagpunta ng lady boss ng 3:16 Events and Talent Management nang dumalaw siya sa soft opening ng G-Side Night Club, located sa Tomas Morato Avenue malapit sa ABS-CBN.
Kasama niya rito sina Sean de Guzman, Cloe Barreto, Quinn Carrillo, Marco Gomez, Karl Aquino, Gelo Alagban, at iba pa, nag-enjoy kami nang husto sa G-Side Night Club. Masarap ang food and drinks nila at cool mag-chill dito. Kaya sure kaming dudumugin ang lugar kapag mas naging maluwag na sa Metro Manila.
Ang G-Side Night Club ay pag-aari nina Kiko Rustia na nakilala sa Born to be Wild at Survivor Philippines, at ng kanyang magandang misis na si Camille Velasco.
Nagpasya sina Kiko at Camille na magtayo ng business na ganito nang humina ang mga project ni Kiko sa showbiz.
Very cozy ito at very accomodating ang staff. Mahigpit ang kanilang safety and health protocols, kaya bawal ang masyadong magkakalapit. Laging umiikot ang mga bouncer para i-remind ang lahat at siguraduhing nasusunod ang social distancing.
Pagpasok pa lang ay binibigyan nila ang customers ng bag para lagyan ng kanilang face mask at face shield. Pero kapag wala sa kanilang tables or pupunta sa CR ang kanilang guests, dapat na isuot ulit ito. May mga alcohol din sa bawat table para sa safety ng customers.
Ang eksaktong address ng G-Side Night Club ay sa 27-A Tomas Morato Avenue, corner Eugenio Lopez Drive, Brgy. South Triangle, Quezon City. For VIP couch and table reservations, mag-text sa 0905-5733799.
ALAM MO NA!
ni Nonie Nicasio
