HATAW! D'yaryo ng Bayan hatawtabloid.com
IPINAHAYAG ni Alex Castro na magandang buwena mano ng taon ang pag-renew niya ng contract sa BeauteDerm.
Ang naturang kompanya ng President and CEO nitong si Ms. Rhea Anicoche-Tan ang isa sa top leaders ng beauty and wellness industry sa bansa.
Ayon sa aktor/public servant, flattered siya na muling pagkatiwalaan ng lady boss ng Beautederm.
Aniya, “Maganda ang pasok ng 2021 sa akin dahil alam ko na makakasama ko pa rin ang Beautederm family, especially ang aming CEO na Ms. Rhea Tan.”
Masayang dagdag ni Alex na isa ring Board Member ng Bulacan, “Sobrang flattered na mapagkatiwalaan pa rin ako na mag-endorse ng Beautederm dahil iba kapag endorser ka ng Beautederm… established na kasi ang product na ito and maraming mga Filipino at mga kababayan natin sa ibang country at dito sa atin ang tumatangkilik nito. Kaya sobrang nakaka-proud talaga!”
Ano ang fave products niya rito? Tugon ni Alex, “Halos three years na ako sa Beautederm, nagagamit ko lahat ng products at lahat ay effective talaga. Ang products like Spruce & Dash ang bago kong favorite, akala ng iba ‘pag lalaki hindi ka dapat masyadong maalaga sa skin mo at sa sarili mo. Pero ngayon talaga, dapat lagi kang fresh at ang skin mo hindi mo napapabayaan…
“Hindi naman sa maarte, dapat lang na alagaan mo rin talaga ang sarili mo at diyan ay swak na swak ang Beautederm.”
Nabanggit din niyang thankful siya sa pag-aalaga sa kanya ng Beautederm at ni Ms. Rhea. Lahad ni Alex, “Iba kasi talaga mag-alaga ang Beautederm at si ate Rei, ramdam mo na pantay-pantay ang tingin niya sa aming mga ambassadors niya, kaya sobrang thankful ako. Alagang- alaga kami, minsan personal pa siyang mangungumusta sa amin, nakikipagkuwentohan, alam namin na pamilya kami rito sa Beautederm.”
ALAM MO NA!
ni Nonie Nicasio
