HATAW! D'yaryo ng Bayan hatawtabloid.com
MAINIT na sinalubong ng mga pulis sa Manila Police District (MPD) si NCRPO RD P/MGen. Vicente Danao, Jr., sa isinagawang command visit kasama ang kanyang command group sa MPD Headquarters sa United Nations Avenue, Ermita, Maynila.
Sa pagbisita ni RD MGen. Danao, muli niyang ipinaalala sa mga pulis Maynila ang kanyang mahigpit na polisiya na nagbabawal sa ‘lubog’ o pulis na 15/30, tongpats sa droga, at mga hulidap.
Nagsagawa rin ng command conference si RD MGen. Danao sa mga opsiyal ng MPD kabilang ang station commanders para alamin ang kanilang accomplishments at pamamaraan patungkol sa kampanya kontra kriminalidad at droga kasunod ng pagbibigay ng payo tungo sa maayos na pamamaraan.
Ginawan rin ng parangal at binigyan ng cash reward ni RD Danao ang grupo ng MPD Drug Enforcement Unit na pinamumunuan ni P/Maj Dionnel Brandon sa matagumpay na operasyon na nagresulta sa pagkakompiska ng 2.5 kilo ng shabu sa Paco, Maynila kamakailan.
Nagtapos ang aktibidad sa isang surprise drug test sa mga opisyal ng MPD.
(BRIAN BILASANO)
