HATAW! D'yaryo ng Bayan hatawtabloid.com
IPINAHAYAG ng Kapuso teen star na si Jillian Ward ang labis na kasiyahan sa magandang pagtanggap ng televiewers sa kanilang top rating TV series na Prima Donnas, na magtatapos na this week.
Esplika ni Jillian, “Masaya po, dahil alam ko po na marami kaming napapasaya at nai-inspire. Lalo na po at ang message ng show namin is huwag susuko at laging magmahalan lang po ang pamilya, ang mga magkakapatid… parang tulad ng mga Donnas po.”
Dagdag niya, “Nakaka-overwhelm po ang suporta ng public dahil talagang tutok na tutok po sila sa show po na pinaghirapan namin.
“Lalo na po noong nag-lock-in taping kami, mas mahirap po ang trabaho pero todo effort po ang buong Prima Donnas family para mapasaya po ang viewers namin at para po mas mapaganda pa ang show.”
Aminado si Jillian na sobrang napamahal na ang show sa kanya. Ipinahayag din niya ang pasasalamat sa lahat ng bumubuo ng kanilang serye.
Aniya, “Napamahal din po ako sa buong production, mga artista, staff and etcetera, lalo na po kina direk Gina Alajar, sa PM po namin na si Ms. Redgynn Alba, and sa iba pa.
“Ang dami ko pong natututunan sa kanila, not only as an actress, but for my private life rin po.”
Anong mga pasabog ang dapat abangan sa ending ng serye nila? Abangan po nila kung kailan po mabubuko si Kendra at Brianna. Kung ano po ang mangyayari sa pamilya Escalante, and kay Ruben po, dahil nga may sakit siya at anong gagawin ni Mayi (character niya) ‘pag nalaman niya.”
Last week, nang naka-chat namin si Jillian, ipinagmamalaki rin ng magandang teen actress ang paghataw sa ratings ng kanilang serye.
Ayon kay Jillian, na-break nila ang record nang humataw sa 13.4 % at 13.7 % ang kanilang TV series.
“May na-break po na record ang Prima Doonas, kami na po ‘yung pinakamataas na ratings sa daytime shows, of all time po ito sa Filipinas. Sobrang masaya po ako dahil na-break po namin ‘yung record,” nakangiting wika niya.
ALAM MO NA!
ni Nonie Nicasio
