HATAW! D'yaryo ng Bayan hatawtabloid.com
HABANG nagmumukhang tulo-laway ang mga Pinoy sa paghihintay ng CoVid-19 vaccines (dahil sa ibang bansa ay patapos na ang bakunahan), nakalulungkot na mayroong mga negosyante ang nagsasamantala para pagkitaan o pagkamalan ng malaking kuwarta ang pandemya.
Isang Chinese medicines outlet ang inirereklamo ng ilang kapwa negosyante na mukhang nagpapalusot umano ng illegal CoVid-19 vaccines.
Ibang klase raw ang lakas ng loob ng Chinese medicines outlet na ito sa Gandara St., diyan sa Binondo, Maynila dahil ipinagmamalaki na may sanggang-dikit sa Food and Drug Administration (FDA).
Aba, FDA Director General Eric Domingo, Sir, mukhang sinusubukan nitong Ton Ren Tang diyan sa Gandara ang kalibre mo.
Naikot na ba ng intelligence operatives ‘yang area na ‘yan ng Chinese medicines outlet na ‘yan sa Gandara?!
Kahit paulit-ulit at patuloy na sinasabi ng FDA na mag-ingat sa mga nabibiling Chinese medicines sa Binondo, mayroon pa rin naglalakas ng loob na magpalusot ng mga ilegal at iregular.
Paano kung ilang mapeperang Chinese o Chinoy o Pinoy ang ‘sumalisi’ ng bakuna riyan pero hindi ligtas?!
Kailangan pa ba ng isang ‘deluby0’ bago kumilos ang FDA, DG Eric Domingo?
Tsk tsk tsk…
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
