HATAW! D'yaryo ng Bayan hatawtabloid.com
AMINADO si Janine Gutierrez na nailang siyang kaeksena ang kanyang inang si Lotlot de Leon sa pelikulang Dito at Doon handog ng TBA Studios at WASDG Productions na mapapanood na sa March 17.
Mag-ina ang role nina Janine at Lotlot sa Dito at Doon na hindi okey ang samahan.”Medyo nailang, parang mas nahihiya kasi ako sa kanya kaysa ibang artista na nakakasama ko.
“Pero nag-enjoy ako working with her kasi ang relationship namin dito as mother and daughter sa pelikula hindi kami masyadong okey. Palagi kaming nagsasagutan which is not how we are in real life. So, medyo pinagsasabihan niya na ako at talagang natatakot ako sa kanya .”
Kaya naman na-excite siya sa role nilang mag-ina, “ Exciting siya to see what kind of dynamic we had here in ‘Dito at Doon’ kasi ibang-iba sa kung paano kami sa totoong buhay.
“Medyo masaya rin naman na ganoon ang character na ginampanan namin kasi first time kong nasungitan ‘yung nanay ko kasi talagang ipinangaral niya sa amin respeto, ‘wag kang sasagot. Pero rito napaka-strong ng character na minsan ganyan tayo na parang mas nanay pa tayo sa mga nanay natin. ‘Doon namin naipakita ‘yung ganitong klaseng relationship ng mag-ina.”
At dahil sa galing ng kanyang ina, kinabahan siya. “Napakagaling po ni talaga ni mama, kaya mas kinakabahan ako at the same time mas madaling mag-react kasi iyong ibinibigay niya sa iyo syokot.”
Samantala, natanong si Janine kung handa ba siyang sumabak sa GL series or movie o girls love movies?
At walang kagatol-gatol na sinagot niya ito ng, ”Yes, of course.
“I’ll always wanted… actually mayroon akong chance na mapasama sa isang pelikula, it didn’t push thru, sayang.
“It’s always something that I’m hoping na magawa, tingnan natin.”
At kung sakaling matuloy ito, sino naman ang gusto niyang makapareha?
“Ang daming mahuhusay na artista andiyan sina Liza (Soberano), Nadine (Lustre), Lovi (Poe), Alex de Rossi.”
Kasama rin sa Dito at Doon sina Victor Anastacio, Yeshi Burce. Ipalalabas ito sa March 17 in 50 cinemas.
SHOWBIZ KONEK
ni Maricris Valdez Nicasio
