HATAW! D'yaryo ng Bayan hatawtabloid.com
“BEST foot forward, hardwork, at matuto sa lahat ng mga poste rito sa ABS-CBN.” Ito ang huling tinuran ni Janine Gutierrez kahapon sa isinagawang virtual conference ng ABS-CBN na tinawag nilang Welcome Kapamilya, Janine Gutierrez nang hingan siya ni MJ Felipe ng kung ano ang mindset niya ngayong mag-uumpisa na siyang magtrabaho sa ABS-CBN.
Kitang-kita ang excitement kay Janine at sinabi pang, “Marami akong matutuhan dito lalo na sa mga writer, creative, director. And I feel that I’m in such good hand at ibibigay ko talaga ang best ko para sa kanilang lahat at para sa lahat ng kapamilya.”
Natanong naman si Janine ni Miguel Dumaual ng abs-cbn.com ukol sa impression niya sa Kapamilya Network.
Sagot ng dalaga ni Lotlot de Leon, “The impression is always impressive. Kahit naman anong station ka mayroong respeto bilang artista na alam mo kung maganda ‘yung kuwento, kung magaling ang pagka-arte.
“And I’ve said, marami akong iniidolo rito. I also really watch the shows. And ano lang it’s very exciting because napi-feel ko ‘yung talagang sobrang passionate ‘yung mga tao rito sa ABS-CBN about the stories and about bringing forward new stories talagang reaching out to what peoples really want to see.
“Kung ano ‘yung pulso ng tao ngayon kung mas gusto ba nila ng heartfelt na kjwento o ‘yung ang lalim ng pagkakakilala sa Kapamilya. Kung ano ba ang hinahanap ng isang kapamilya sa telebisyon and it’s so amazing na ibibigay natin ang gusto ng kapamilya.”
Natanong din si Janine kung tatanggapin niya sakaling alukin siyang gumanap bilang Valentina.
“It’s so interesting to me. Of course I’m a fan of ‘Darna.’ I’m a fan of old films. Actually parang may napanood ako before na ‘yung lola ko, si Mamita (Pilita Corrales) nag-Valentina before.
“Flattered ako na nakikita ng ibang tao na makasama sa ganoong klaseng proyekto, so I don’t know we’ll see.”
Pero bago ang ibang proyekto, mapapanood na si Janine sa ASAP Natin ‘To at uumpisahan na niya ang isang teleserye. “I’m excited just the fact na may gagawin akong teleserye and pelikula sa ABS-CBN,” giit pa ng dalaga.
SHOWBIZ KONEK
ni Maricris Valdez Nicasio
