HATAW! D'yaryo ng Bayan hatawtabloid.com
SA KULUNGAN bumagsak ng isang binatang batilyo makaraang mahulihan ng shabu ng mga tauhan ng Maritime Police sa Navotas City, kahapon ng hapon.
Kinilala ni Northern NCR Maritime Police Station (MARPSTA) head P/Maj. Rommel Sobrido ang suspek na si Florence Reyes, 30 anyos, residente sa Block 1 Market 3 Navotas Fish Port Complex (NFPC) Brgy. North Bay Boulevard North ng nasabing lungsod.
Batay sa ulat ni P/SMSgt. Nemesio “Bong” Garo, dakong 1:30 pm nang respondehan ng mga tauhan ng MARPSTA sa pangunguna ni P/Lt. Erwin Garcia ang natanggap na report hinggil sa umano’y riot sa Palengeke St., Market 3.
Pagdating sa lugar, nagtakbuhan ang mga tao sa magkakaibang direksiyon ngunit bumangga ang suspek sa patrol mobile ng mga pulis at nahulog mula sa kanyang kanang kamay ang isang plastic sachet ng hihinalang shabu.
Inaresto ng mga pulis at sinampahan ng kasong paglabag sa RA 9165 o Comprehensive Dangerous Drug Act of 2002 sa Navotas City Prosecutor’s Office ang batilyo. (ROMMEL SALES)
