HATAW! D'yaryo ng Bayan hatawtabloid.com
HINDI namin alam kung biruan o totohanan ang usapan nina Marco Gumabao at Ria Atayde na ‘kapag 35 at single pa, tayo na lang.’ Kaya naman klinaro namin ito sa binata nang magkaroon ng digital media conference ang Parang Kayo Pero Hindi na isa sa bida si Marco kasama sina Xian Lim at Kylie Verzosa.
Ani Marco, ”Parang wala lang, parang usapang barkada lang,” pauna ni Marco na sa February 12 na mapapanood ang Parang Kayo Pero Hindi, kauna-unahang Vivamax Original Series.
“Parang trip-trip lang na, ‘o basta pagdating natin ng 35 tapos wala tayong girlfriend, boyfriend, tayong dalawa na lang,” dagdag pa ng binata na gagampanan ang role ni Robi, ex boyfriend ni Daphne (Kylie).
Natatawang kuwento pa ni Marco, “Parang joke na hindi. Sa totoo lang hindi ko rin po alam, ha ha ha.”
Paglilinaw pa ni Marco, ”kami po kasi ni Ria very ano kami, para kaming magkapatid ang turingan namin. Kasi we’ve been friends for seven or eight years na. Kumbaga, andoon ang closeness namin as magkapatid, so wala lang. So ‘yung sinabi naming 35 years old, parang more of as a joke, pero malay mo ‘di ba pagdating namin ng 35, let’s wait, matagal pa naman.”
Sa kasalukuyan, 26 years old pa lang si Marco. ”Malayo pa at may nine years pa ako, ha ha ha,” dagdag pa nito.
Ang Vivamax ay pwede nang ma-download sa Pilipinas sa Google Play Store. Sa halagang P149, mapapanood mo na lahat! Maaari mong mapanood ang mga pelikulang Pinoy, TV series, dokumentaryo, music specials, at higit sa lahat ang Vivamax Originals. Kaya download na.
SHOWBIZ KONEK
ni Maricris Valdez Nicasio
