HATAW! D'yaryo ng Bayan hatawtabloid.com
TILA naisasakatuparan na ng Mega Producer na si Joed Serrano ang dasal niyang, “to be greater so I could serve God & be a blessing to much more people.”
Nagkaroon na kasi ng story con ang isa sa napakarami niyang project, ang Kontrabida na pagbibidahan ni Nora Aunor. Ipalalabas na rin ang much-awaited Anak ng Macho Dancer.
“Ang daming naglalaro sa utak ko na pwede kong magawang projects. Uunahin ko muna alongside with my life story itong kay Mama Guy. Umiiral ang pagka-fan ko,” ani Joed sa presscon ng Anak Ng Macho Dancer na ginanap sa Annabel’s Restaurant.
Ang plano pala talaga ni Joed ay pagsamahin muli sina Nora at Vilma Santos. ”Okay naman kay Mama Guy. Pero dumating itong Adolf Alix and Jerry Gracio project na si Wendell Ramos naman ang naglapit sa akin. Mabilis lang ang mga pangyayari.
“So, let’s keep our fingers crossed. Marami pa ‘yan. There will always be a way for things to happen.”
At ang isa pa sa gusto niyang mangyari ay pagsamahan din sina Maricel Soriano at Sharon Cuneta. ”I just want to do more films. A movie with Sharon (Cuneta) and Maricel (Soriano). Sana, mapagsama ko rin sila. ‘Yan ang mga dream ko. Masaya lang ako na at this point, marami na ang blessed to have work. Nasa pandemya tayo pero nakatutulong pa rin tayo para umayos ang buhay ng mga tao.”
At bukod sa pagiging producer, gusto rin niyang bigyan ng restoran si Ate Guy na ang ipapangalan ay Supertar.
“’Yung mala-Hard Rock Café ang dating. Where ‘yung iba pa niyang memorabilia will be housed. Nakita ko sa mga sine-share ng fans kay direk Adolf sa mga kailangan niya for the movie, ang dami pa pala. And siyempre, hindi mawawala roon ‘yung collection of her prestigious awards. Para naman makita, hindi lang ng mga kababayan nayin, kundi ng mga turista o taga-ibang bansang kakain at tatapak doon.”
Ilan lamang ito sa mga gustong gawin ni Joed at marami pa siyang plano sa buhay. For the meantime, watch muna ng Anak ng Macho Dancer sa January 31 sa KTX.PH.
SHOWBIZ KONEK
ni Maricris Valdez Nicasio
