HATAW! D'yaryo ng Bayan hatawtabloid.com
TINAPOS ng isang lalaki ang sariling buhay sa pamamagitan ng pagbigti dahil sa depresyon sanhi umano ng pagkasira ng kanilang pamilya sa Malabon City, kahapon ng hapon.
Kinilala ang biktimang si Jomar Urbano, 24 anyos, residente sa Mabolo Road, Brgy. Potrero ng nasabing lungsod.
Batay sa pinagsamang ulat nina P/SSgt. Jeric Tindugan at P/Cpl. Renz Marlon Baniqued, dakong 1:00 pm, papasok sa banyo ang 8-anyos pamangking babae ng biktima upang umihi nang magulat nang makita ang kanyang uncle na nakabigti sa loob ng banyo gamit ang isang lubid.
Kaagad niyang sinabi sa kanyang mga kaanak ang natuklasan saka ini-report sa pulisya ang insidente.
Sa isinagawang imbestigasyon, gumawa ng isang waiver ang mga kaanak ng biktima na naniniwala sila na walang naganap na foul play sa pagkamatay ni Urbano.
(ROMMEL SALES)
