Heart, pinag-iingat sa mga kawatan P5.6-M halaga ng kwintas, ibinando

IKAW na! Ito tiyak ang masasambit mo sa pagpapakita ng mamahaling kwintas ni Heart Evangelista sa kanyang social media account. Nag-iisa talaga ang misis na ito ni Chiz Escudero pagdating sa kasosyalan kaya dapat lang na bansagang fashion icon with a heart.

Ipinakita ni Heart sa kanyang Instagram account ang white Serpenti Viper Necklace na mula raw sa Serpentine collection ng luxury brand na Bulgari. Sinasabing nagkakahalaga iyon ng P5.6-M.

Ani Heart sa post niyang kwintas, ”Delicate sparkle you’ll never want to take off.”

“Nothing goes better together than diamonds and feathers.”

Ang Serpenti Viper Necklace ay nagkakahalaga raw ng P5.6 million dahil ito ay18 karat white gold, set with full pave diamonds, ayon na rin sa website ng Bulgari. Sinasabi pang, ”sophisticated and glamorous,” ang kwintas na ito.

Marami ang napa-wow sa pagbabandera ni Heart ng kanyang alahas. Mayroon din namang nagbabala sa aktres dahil baka matulad siya kay Xian Lim kaya pinaalalahanang, mag-ingat sa pagpo-post.

SHOWBIZ KONEK
ni Maricris Valdez Nicasio