Alex Gonzaga, wish pa ring makapag-wedding gown at makasal sa simbahan

NAGANAP sa bahay nila sa Taytay, Rizal ang kasal ni Alex Gonzaga kay Lipa City councilor Mikee Morada na dinaluhan ng kani-kanilang magulang.

Sa You Tube channel ni Alex inilantad ang pagpapakasal nila ni Mikee. Pati na ang engagement nila na nangyari sa Hong Kong last December 2019.

Naging daan si Piolo Pacual para makilala ni Mikee si Alex ayon sa reports.  Kursong Psychology ang kinuha ni Mikee sa De La Salle University sa Manila.

Lumipat siya sa University of California, Los Angeles (UCLA) at nag-aral ng International Development Studies.

Mayroon silang family business ng household at cosmetic brands.

Simpleng damit na puti ang suot ni Alex pero umaasa siyang makapagsuot ng wedding gown at makapaglakad sa simbahan ng bonggang-bongga!

I-FLEX
ni Jun Nardo