Star Magic, nagpahayag ng suporta kina Janella at Markus

SUPORTADO ng Star Magic, ABS-CBN’s talent management arm sina Janella Salvador at Markus Paterson matapos magdesisyon ang dalawa na ipakilala ang kanilang anak na si Jude sa publiko.

Sa isang statement, ipinahayag ng Star Magic ang kanilang pagbati sa dalawa.

“Star Magic expresses its full support and guidance to Janella and Markus as they embark on a new chapter in their lives. We hope that you will continue to give the same encouragement and appreciation that you have given them as artists. This new blessing will certainly contribute to the enrichment and depth of their artistry. Congratulations once again, Janella and Markus, on your bundle of joy!.”

Bagamat amiadong kabado, napagdesisyonan ng dalawa na ipakita at ipakilala ang kanilang anak na si Baby Jude sa pamamagitan ng isang vlog. Doo’y ipinaliwanag ng dalawa ang dahilan kung bakit ngayon lamang nila ipinakilala ang kanilang anak.

Ani Janella, sobra-sobra ang kanyang pangamba kaya’t hindi agad niya naipagtapat ang tunay niyang kalagayan. Alam kasi niyang uulanin siya ng batikos. Pero dahil sa sobrang ligaya ang kanilang nararamdaman sa tuwing makikita ang kanilang anak, nagdesisyon silang ipakita na iyon.

At bakit nga naman hindi, super cute si Baby Jude at talaga namang blessings  iyon sa kanila.

Ipinanganak si Baby Jude noong October 20, 2020.

Nasa UK pa rin sina Janella at Markus at ine-enjoy ang bawat oras at araw kasama si Baby Jude.  (MVN)