HATAW! D'yaryo ng Bayan hatawtabloid.com
IDINAAN ni KC Concepcion sa kanyang Instagram ang pagbati at pagbibigay ng birthday message sa kanyang inang si Sharon Cuneta.
Kalakip ng kanyang mensahe ang kanilang picture na siguro’y 1 or 2 year pa lamang siya at batambata pa ang kanyang ina na nagdiwang ng ika-55 taong kaarawan kamakailan.
Caption niya sa picture, ”Today is the day that outshines any other day of the year! Happy birthday and fabulous 55th to la reina. Te quiero muchísimo.”
Kahapon, proud na ibinahagi ni Sharon ang kanyang sumeseksi nang pigura habang naka-one piece swimsuit sa swimming pool.
Ipinagmalaki rin ni Sharon na size 10 na ang kanyang swimsuit dahil sa kanyang pagda-diet.
Aniya, ”Went swimming and had this picture taken today. Now my swimsuit is a size 10. I haven’t been a 10 in many years. My normal size when I was thin was 6 or 8 & I would panic na pag 8! Now to get to size 6 means I need to lose the last 20 lbs.”
Nauna rito, sa bahay din ng kanyang inang si Sharon nag-Pasko si KC na ibinahagi rin niya sa kanyang IG.
Post niya sa kanyang IG kasama ang picture nilang mag-ina sa Christmas tree, “A quiet, peaceful, heartfelt Christmas with my Queen. Merry Christmas, Loves!”
SHOWBIZ KONEK
ni Maricris Valdez Nicasio
