The Boy Foretold By The Stars, 2nd Best Picture

NAGBAHAGI ang bida ng The Boy Forerold By The Stars na si Adrian Lindayag sa nadama niya nang mapabilang siya sa mga nominado sa katatapos na Metro Manila Film Festival 2020.

“Hindi pa nagsisink-in na bahagi ng MMFF ang #TheBoyForetoldByTheStars, may pasabog ulit agad si Lord/Universe. 

“It feels unreal that I am part of this list with actors I look up to so please allow me to express my gratitude. Maraming salamat sa jury ng MMFF for the recognition. 

“To my co-nominees- Sir @johnarcilla, last MMFF pinanood ko po ang ‘Miracle In Cell #7’ sa sinehan and I will never forget the scene in his office noong naalala niya ‘yung anak niya at pinipigilan niyang umiyak. How his eyes welled up with tears. 

“Sir Phillip Salvador, who we all loved in ‘Bona.’ 

“Kuya @pauavelino, who I loved so much in ‘Ang Larawan’ and ‘Goyo.’ 

“To be nominated alongside you three is a great honor and already a win in itself. Para akong nananaginip. Whatever happens tomorrow, I want to thank everyone who made this dream come true possible. 

“Kay Direk Dolly, sa jury, kay Keann, at lalong lalo na kay Dominic. Dominic, thank you for validating high school Adrian and all the effeminate little gay boys who found it difficult to find representation in movies, especially in romcoms. To all the Dominics, deserve rin natin ng isang magandang love story, just like everyone else. Walang imposible sa taong nangangarap. You are valid, worthy, and beautiful. My first film. My first lead role. The first Filipino BL movie in the country and the MMFF. I am claiming that this is just the first of many. I will never ever forget this ”

Si Paulo Avelino ng Fan Girl ang itinanghal na pinaka-mahusay na aktor ng MMFF2020.

Napanood ko na ang pelikula nina Adrian at Keann Johnson. Kinilig ako sa buong pelikula.

Ramdam naman ng babaeng bakla ang ikot ng paglalapit ng puso ng dalawang boys. 

Na-enjoy ko ang pelikulang walang pretensiyon kaya sure na sure si Direk Dolly Dulu na marami ang makare-relate sa kung paanong umuusbong ang damdamin ng isang nagmamahal, at kung paano rin itong mawawala. Ang paglaban sa mga emosyon. Ang pagtanggap sa mga bagay na itinadhana na.

Oo. May kinalaman nga ang destiny sa inikutan ng mga puso ng mga boylets na nag-krus ang landas sa pelikula. 

Etong si Adrian, suki na ng mga teleserye, eh. At sabi ko nga sa kanya, nang mapanood ko na ang unang pagbibida niya, may laban siya sa mga beterano sa pagkakaganap niya sa personalidad ni Dominic.

Nangyari na nga. Nominado. Kahanay ng mga henyo ng maituturing sa mga karera nila.

Ang ganda ng moment ni Adrian. Isang magandang proyekto ang naihatag sa kanya para mas mailabas at maipamalas pa na kakayanin na pala niya ang magbida sa pelikula. 

At itinadhana ngang makasama niya sa kabuuan ng pelikula ang cast na nabuo ni Direk Dolly at ng Clever Minds. Ensemble acting!

Sundan na ito sa upstream.ph at huwag magpahuli na makita kung bakit ito itinanghal na 2nd Best Picture ng MMFF 2020. 

Sigurado. Marami pang kasunod na proyekto para kina Adrian at Keann.

Kinilig ang babaeng bakla!