LA Santos, desididong pagsabayin ang singing at acting

Bahagi siya ng top rating TV series na Ang sa Iyo ay Akin ng Kapamilya Channel. Nakatakda na rin gawin ni LA ang kanyang third movie, titled Mamasapano.

Nagbigay nang kaunting patikim si LA sa kanilang pelikula.

Aniya, “I’m very excited po to be in this film, paghahandaan ko po talaga ang role ko rito. Bale, ako yung gaganap bilang isa sa pinakabatang member ng SAF 44.”

Saad pa ni LA, “Ako po kasi, kapag may project, talagang kinikilala ko po iyong character na gagampanan ko. Tatanggalin ko po iyong pagiging LA Santos ko at ang makikita nila ay yun pong papel ko rito.”

Dahil tisoy siya, plano ba niyang magpa-itim para bumagay sa role niya rito?

“Yes po, magpapa-tan po ako para mangitim, talagang paghahandaan ko po ito. Ibibilad nila ako sa araw at kapag malapit na ang shooting, magpapa-military cut talaga po ako bilang preparation po.”

Since singer siya and actor, ano ang kanyang mas priority?

Nag-isip muna bago sumagot si LA, “Talagang mahirap po sagutin ang tanong na iyan, kasi I fell in love with both po, eh. Parang… kung ano ang nakukuha kong kasiyahan sa singing, nakukuha ko rin sa acting.

“So, mahirap po talagang sagutin, basta… pareho ko pong babies kasi iyan. Parehong mahalaga sa akin iyan, so… mahirap pong pumili ng isa. Pero puwede naman pong pagsabayin, kaya yun na lang po siguro ang gagawin ko. Kasi love ko talaga iyon pareho. Talagang iyan po ang dream ko, singing and acting,” nakangiting paliwanag pa ni LA.