Richard Yap, lumipat na ng Kapuso

LIPAT-BAHAY na ang Kapamilya actor na si Richard Yap. Certified Kapuso artist na si Richard matapos pumirma ng kontrata sa GMA Artist Center nitong nakaraang araw.

Nagpasalamat si Richard sa warm welcome na ibinigay sa kanya ng ilang GMA executives nang pumirma siya ng kontrata.

“I’m actually quite overwhelmed as I never thought this would come about. Now that it’s finally here, I am just so happy and thankful to become a part of the Kapuso family,” pahayag ni Richard.

Una munang isasalang ang actor-singer sa Dear Uge Presents na susundan ng The Boobay and Tekla Show. Nakaplano na rin ang una niyang primetime series.

Excited naman siyang makatrabaho sina Marian Rivera, Heart Evangelista, Solenn Heussaff, Andrea Torres, ang kaibigang si Jean Garcia at Michael V.

I-FLEX
ni Jun Nardo