HATAW! D'yaryo ng Bayan hatawtabloid.com
NAPAPALAKPAK si Vivian Velez habang kausap ng ilang entertainment press nang ibalita sa kanyang engage na sina Luis Manzano at Jessy Mendiola.
Noong Sabado inanunsiyo kapwa nina Luis at Jessy ang ukol sa kanilang engagement sa pamamagitan ng kanilang social media account. Bagamat sinasabing Oktubre pa iyon naganap.
“Oh really?! Oh my God, talaga ba?!,” anito sa zoom conference noong Sabado ng hapon. ”Kasi nga biglang nag-pandemic, February o March…tapos nakakuha ako ng mga basher dahil ano ba raw ang pakialam ko (sa kasalan ng dalawan) roon.
“Sinasabi ng mga namba-bash na inuunahan ko iyong dalawa. Eh hindi ko naman inuunahan. Sinasabi na naman nila ‘yun,” sambit pa ni Vivian na siyang director general ngayong Film Academy of the Philippines (FAP)
Sinabi pa ni Vivian na matagal na ang balak na pagpapakasal nina Luis at Jessy. ”It’s just that when, ‘di ba?”
Pinayuhan naman nito si Luis na, “Sana lang itong si Luis, ‘wag nang maging babaero, ha ha ha.”
Kamag-anak ni Vivan si Jessy sa father side at sa mother side naman ng batang aktres.
Samantala, kung dalawang taong nananihimik ang FAP sa ‘di pagbibigay ng awards o ang kanilang Luna Awards, ngayong taon ay magaganap sa Disyembre 18 na mapapanood ng LIVE sa UNTV, 7:00 p.m.
Sa tulong ng NDM Studios ni Direk Njel de Mesa at Fisher Mall, sumulong na ang video shoots para sa mga kailangang mapanood sa programa na ang host ay ang komedyanong si Dinky Doo. Ilan sa performers ay sina Isay Alvarez, Robert Seña, at Paolo Paraiso. Kasama rin sina Daiana Meneses, Ynez Veneracion, Director Nick Lizaso, Federico Moreno, Harlene Bautista at marami pang iba.
Kaya saksihan ang muling pagkinang ng FAP at ng kanilang Luna Awards.
SHOWBIZ KONEK
ni Maricris Valdez Nicasio
