PH kailangan ng batas laban sa kahirapan at gutom

NANAWAGAN ang National Food Coalition (NFC) sa pamahalaan na magpasa ng batas na magsisiguro para labanan ang kahirapan at kagutuman sa bansa.

Sinabi ni Aurea Miclat-Teves, presidente at convenor ng National Food Coalition (NFC) , isang non-government group, nais nilang tumulong sa mga lider ng bansa para sa pag­susulong ng mga tamang polisiya para malabanan ang kahirapan at at kagutuman sa Filpinas.

Ang naturang hakbang ay upang maipatupad ng gobyerno ang National Food Policy (NFP) na tutugon sa pangunahing concern sa pagkain at kahirapan sa bansa.

Nabatid na noong naka­raang linggo ay nagsagawa ang Inter-Agency Task Force on Zero Hunger na pinamumunuan ni Cabinet Secretary Karlo Nograles ng serye ng konsultasyon sa stakeholders sa go­byerno at pribadong sektor sa NFP.

Ayon kay Nograles sa nasabing konsultasyon ay nagresulta ng inputs, comments at suggestions sa NFP na inilunsad noong Oktubre. Iginiit ni Miclat-Teves, kahit na nagtatag ng task force ang gobyerno ay kailangan pa rin ng batas para sa national food policy sustainable.

“This could also serve as a legal back-up to any economic and social program on hunger and poverty,” ayom kay Miclat-Teves. (BRIAN BILASANO)