Ms. Nilda Tuason, gagawing instrumento sa pagtulong ang CN Halimuyak

Kabilang sa present sa event ang CNHP endorser at kilalang PPop-Internet Hearthrobs at Supremo ng Dance Floor na si Klinton Start, plus si DJ Janna Chu Chu ng Barangay LSFM at DZBB 594 anchor.

Sina Kikay Mikay ay kabilang din sa endorsers ng CN Halimuyak Pilipinas.

Last March this year ay nagsara pansamantala ang nasabing branch dahil sa pandemic na dulot ng Covid-19.

Pangunahing layunin ni Ms. Nilda ay makatulong sa consumers sa presyong abot ng masa, sa mga nangangailangan, pati na rin sa mga gustong magnegosyo.

Aniya, “Nag-reopen po kami kasi po magsisimula na ang Christmas season at ang mga malls napakaraming magagandang offer na discounts. Para rin po matulungang bumangon ang mga maliliit nating kababayan na negosyante na nasa kanilang mall, lalo na po ang mga Robinson’s Malls na napaka considerate.”

Ipinahayag ni Ms. Nilda na ten percent ng kikitain ng kanilang store ay itutulong nila sa mga nangangailangan. “Gusto sana naming ihandog ang produkto natin sa mga kababayan sa presyong tunay na abot ng masa. Pinaplano po namin na maglagak ng bahagi ng aming kikitain para itulong natin sa mga nangangailangan nating kababayan. Kami po ay naghahanda ng maaaring mga handog o regalo na siguradong magagamit at kapaki-pakinabang po sa kapwa Filipino natin.

“Ten percent po ang iniisip namin, bukod pa po sa pagbibigay ng malaking discounts sa mga produkto na nababagay na pangregalo po.”

Nabanggit niyang perfect talagang pangregalo ang mga product ng CN Halimuyak. “Opo, kasi po marami na rin po ang natutuwa na gawing regalo ang mga produkto natin. Kasi po, lubos nilang hinahangaan ang magandang quality nito at siguradong ikasisiya raw po ng mga paghahandugan nito, bukod pa po sa magiging part sila ng pagtulong sa ating mga kababayang nangangailangan ng tulong ngayon.

“Nauunawaan po natin na malaking bagay ang pagbibigayan tuwing Pasko, kaya po nais naming ihandog ang produkto natin na pinababa ang presyo para mas marami ang mabibigyan kung ang halaga ay mabawasan,” saad pa ni Ms. Nilda.

Ipinahayag din ng lady boss ng CNHP na sa Halimuyak, kikita na sila, makakatulong pa sila.

Ang iba pang produkto ng CN Halimuyak ay perfumes, colognes, 70 percent alcohol, humidifiers, massage oils, humidifier scents, hand sanitizers, disinfectants, deodorizers, antiseptic, at antimicrobial agents.