HATAW! D'yaryo ng Bayan hatawtabloid.com
Gumaganap rito si Sanya bilang isang dalagang ina na bunsong anak nina Ms. Nora Aunor at Philip Salvador na dahil sa kahirapan ng buhay ay napilitang magtrabaho bilang dancer sa bar.
Bukod sa star-studded ang casts nito, pawang de kalibreng mga veteran actor ang tampok dito. Pero nakaya ni Sanya na makipagsabayan, lalo na kina Kuya Ipe at sa nag-iisang Superstar na si Ms. Nora.
Isa kami sa mapalad na nakapanood sa press preview ng bagong obra ni Direk Joel Lamangan, at impressive ang mga eksena rito ni Sanya.
Lalo na ang confrontation scene niya kay Kuya Ipe na galit na galit siya dahil itinuturing niyang ang pag-abandona sa kanila ng ama ang isa sa dahilan kung bakit ang buhay niya ay nasadlak sa matinding kahirapan.
Actually, pati si Kuya Ipe (na kasama namin sa preview room) ay pinuri ang husay si Sanya at ang mga young actors sa casts.
Paano niya pinaghandaan ang pelikulang ito?
Esplika ni Sanya, “Honestly, ngayon ko lang nakatrabaho yung mga nanditoo sa Isa Pang Bahaghari. At naku, sobrang na-excite ako at talagang pinaghandaan ko siya dahil, of course, Ms. Nora Aunor ang aking makakatrabaho rito at talagang mga veteran.”
Saad pa niya, “Of course, with Direk Joel Lamangan na talagang tutok sa lahat ng ginagawa niya. Sobrang excited talaga ako kung paano ipalalabas itong pelikula na ‘to sa lahat ng manonood.
“Habang binabasa ko pa lang actually yung script nito, talagang tagos sa puso lahat, at sana iyon yung tumatak sa tao. Kung paano, itong istorya na ito ay makapagbigay kung paano magpatawad at kung paano talaga tunay na magmahal.”
Sure na sure kami na bukod sa babaha ng luha sa mga manonood ng Isa Pang Bahaghari, hahakot din ito ng awards.
Ang Isa Pang Bahaghari ay mula sa Heaven’s Best Entertainment. Tampok din sa pelikula sina Michael de Mesa, Zanjoe Marudo, Joseph Marco, Maris Racal, Albie Casiño, Migs Almendras, Jim Pebanco, at iba pa.
ALAM MO NA!
ni Nonie Nicasio
