HATAW! D'yaryo ng Bayan hatawtabloid.com
Aside sa pagiging singer ay professional dancer and choreographer din si JC Garcia, kaya naman tuwing may dance cover siya like “Senorita” nina Shawn Mendez at Camila Cabello na ini-upload sa kanyang Tiktok at Facebook account, umaani ito ng maraming views, comments, and like and share.
Ito namang latest cover version niya ng classic Christmas song na “Oh Holy Night” ay bongga rin ang feedback, dahil habang kinakanta ito ni JC ay pinapa-feel niya sa iyo ang spirit ng Christmas na parating na.
Yes, kahit na active pa rin ang CoVid-19 ay hindi mapipigilan ang selebrasyon ng Pasko specially dito sa Filipinas. Tulad ng kanyang covers ay pawang magagandang komento ang mababasa sa FB ni JC sa kanta niyang Oh Holy Night, at majority ay nagre-request sa Sanfo based recording artist na kumanta pa ng more Christmas songs, na siguradong pagbibigyan niya.
Pero sabi ni JC sa kanyang post ay nagdurugo ang kanyang puso habang pinanonood ang news sa nangyari sa mga kababayan natin sa Cagayan na sobrang apektado ng nagdaang bagyong Ulysses at maraming pamilya ang nawalan ng bahay at kabuhayan.
Kaya panawagan ni JC, sana ay magkaisa ang lahat na tumulong sa mga kaawa-awang biktima ni Ulysses.
VONGGANG CHIKA!
ni Peter Ledesma
