14 movies sa halagang P14, handog ng UPSTREAM at GMovies

NAKATUTUWA naman itong proyekto ng UPSTREAM at GMovies, ang 14on14 na makakapanood ka ng 14 na pelikula sa halagang P14. Opo, piso ang halaga ng bawat pelikula.

O ‘di ba ang bongga! Ang mura ng halaga ng family bonding na tiyak lahat ay masisisyahan at tiyak pang ligtas sa pandemic ang lahat.

At dahil online na ang lahat, online streaming na rin ang ginawa sa 14 na pelikula para tiyak na mapapanood ng bawat isa sa atin.

Available na simula ngayong Sabado ang online streaming na isinakatuparan ng Globe’s GMovies at Upstream. Bale ba ganito rin ang mangyayari sa mga pelikulang kasali sa Metro Manila Film Festival sa Disyembre.

Ayon nga kay Direk Erik Matti, Upstream at producer Dondon Monteverde na siyang punong abala sa proyektong ito, “It’s a mix of the biggest stars and even directors [then and now.

Ang 14 na pelikulang mapapanood sa halagang P14 ay ang mga sumusunod:

Dahas nina Maricel Soriano, Richard Gomez, Tonton Gutierrez;

Woke Up Like This nina Vhong Navarro, Lovi Poe;  Ang Babaeng Putik nina Klaudia Koronel, Carlos Morales; The Debutantes nina Sue Ramirez, Miles Ocampo, Michelle Vito, Jane de Leon, Chanel Morales; Bala at Lipstick nina Roderick Paulate, Zoren Legaspi; Daddy’s Little Darlings nina  Dolphy, Coney Reyes, Snooky Serna; Diliryo nina  Giselle Toengi, Jomari Yllana; Shake, Rattle and Roll 3 nina Kris Aquino, Janice de Belen, Rosemarie Gil, Ogie Alcasid; Starzan: Shouting Star of the Jungle nina Joey De Leon, Zsa Zsa Padilla; Bihagin: Bilibid Boys nina Al Tantay, Mark Gil, Gabby Concepcion, Jimi Melendez, Alfie Anido, William Martinez, Choy Acuna; Yesterday, Today, Tomorrow nina Maricel Soriano, Gabby Concepcion, Lovi Poe, Dennis Trillo, Carla Abellana, Solenn Heusaff, Jericho Rosales, Eula Caballero, Agot Isidro, Ronaldo Valdez; Inday Bote At Ang Mahiwagang Bibe nina Maricel Soriano, William Martinez, Richard Gomez; Sinungaling Mong Puso nina Vilma Santos, Gabby Concepcion, Aga Mulach, Alice Dixson, Aiko Melendez, Ricardo Cepeda, Melissa Mendez; at Rakenrol nina Jason Abalos, Glaiza De Castro, Ketchup Eusebio, Alwyn Uytingco, Diether Ocampo, Matet De Leon, Jun Sabayton, Ramon Bautista

Ang mga pelikulang ito ay mapapanood hanggang November 27.

Idinagdag pa ni Matti na bukod sa promo at deal nila sa MMFF, naghahanap pa ang Upstream ng mga puwede pa nilang maipalabas sa Enero.

“We envision Upstream to be a place where all content producers are welcome. We all know that content in the Philippines is diverse, and we want that content to come out in Upstream,” paliwanag ng magaling na director.

“We want this platform to be inclusive.” 

SHOWBIZ KONEK
ni Maricris Valdez Nicasio