Palasyo tutok kay Ulysses

TINUTUTUKAN nang husto ng Palasyo ang galaw ng bagyong Ulysses at sinuspende ang trabaho sa gobyerno at klase sa lahat ng antas sa public shools sa Regions II, CALABARZON, MIMAROPA IV, Cordillera Administrative Region at National Capital Region simula kahapon 3:00 pm hanggang ngayong araw.

Ang desisyon ng Malacañang ay batay sa rekomendasyon ng National Disaster Risk Reduction and Management Council (NDRRMC), ayon kay Presidential Spokesman Harry Roque.

“We leave the suspension of work for private companies, offices and schools to their respective heads’ discretion,” aniya sa isang kalatas.

“Concerned agencies of the government are on standby 24/7 and have already prepositioned relief goods, supplies and medicines. The NDRRMC Operations Center is closely coordinating with all regional disaster risk reduction and management councils and local government units that are in the track of Typhoon Ulysses,” dagdag ni Roque.

Nanawagan ang Malacañang sa mga residente ng mga lugar na apektado ng bagyo, i-monitor at sundin ang lahat ng weather advisories at mga anunsiyo ng gobyerno, tiyaking ligtas ang mga bahay at sasakyan, makipagtulungan sa mga awtoridad kapag naglabas ng evacuation notice at ipagpaliban ang mga pagbiyahe upang hindi ma-stranded, at manatili sa loob ng bahay upang hindi tamaan ng mga bagay na nilipad sanhi ng malakas na hangin at ulan. (ROSE NOVENARIO)