HATAW! D'yaryo ng Bayan hatawtabloid.com
Laging nami- misinterpret ang pagiging sensitive ni Dovie Red (dating Dovie San Andres). Well kahit sino naman sigurong tao kapag naloko na ng maraming beses at kahit sobrang bait mo pa ay magiging sensitibo ka talaga lalo na sa iyong emosyon.
Hindi lang misinterpreted si Dovie kundi
biktima rin siya ng paulit-ulit na ‘bashing’ na nilalait ang pagkatao niya. Nagsasawa na rin siyang magmahal sa mga lalaking lagi lang siyang ikinahihiya at itinatago sa publiko at pera lang daw ang totoong intensiyon sa kanya.
Ayon kay Dovie, naiiba raw sa kanila ang idol niyang si Tyrone Oneza na hindi lang gentleman kundi ramdam niyang may malasakit sa kanya. Isa raw si
Tyrone sa nakaaalala sa kanya na kinukumusta siya lalo sa panahon ng pandemya.
Good adviser rin daw ang singer-businessman na sinasabihan siya na huwag pansinin ang kanyang detractors, maging sa kanyang health at lovelife ay concern din sa kanya. Isa pang nagpasaya at nagpa-excite kay Dovie ang promise sa kanya ni Tyrone na kapag nagkita sila sa Filipinas ay ipagluluto siya nito ng kanyang favorite na pansit bihon.
Yes mahusay na cook si Tyrone, na may sariling resto sa Laguna. Paulit-ulit palang pinakikinggan ng controversial social media personality ang awiting pamasko ni Tyrone na “Ikaw Ang Christmas Ko.”
VONGGANG CHIKA!
ni Peter Ledesma
