HATAW! D'yaryo ng Bayan hatawtabloid.com
ISA si Andrea Torres sa mga celebrity na nagsimula ng kanilang food business sa gitna ng Covid-19 pandemic.
Inilunsad ni Andrea ang Family Favorites na nag-o-offer ng iba’t ibang Pinoy dishes (but with a twist).
Ikinuwento ni Andrea sa Kapuso Brigade Zoomustahan na tinutulungan siya ng kanyang boyfriend na si Derek Ramsay sa pag-manage ng kanyang business.
“Natikman niya lahat ‘yon bago ko talaga inilalabas. Kahit itong mga bagong inilabas ko, pinatitikim ko muna sa kanya at saka sa family niya. Kasi every Sunday, may gathering kami. So, dinadala ko roon tapos hinihingi ko nga ‘yung mga reaksiyon nila,” aniya.
Dagdag pa ng Kapuso star, si Derek din ang nakakatulong sa kanyang kumalma tuwing siya ay nai-stress.
“Ako kasi mahilig ako mag-plan ng mga bagay-bagay. Siya ‘yung nagpapaalala sa akin na ‘relax ka lang, okay lang ‘yan’ kasi ako kapag medyo may hindi lang nasunod sa plano, minsan nagpa-panic na ‘ko. Siya ‘yung bumabalanse sa akin.”
Rommel Gonzales
