Alden, naging saksi sa exorcism ng kanilang bahay sa Laguna

NAGTAKA ang viewers ng Bawal Judgmental ng Eat Bulaga last Saturday dahil isa sa choices si Alden Richards.

Eh nang i-reveal ang tanong, isa sa tamang choices si Alden na naging saksi pala sa isang exorcism!

Ayon kay Alden, ang bahay nila sa Laguna ang in-exorcise, huh! Naikuwento na niya ito sa kapwa Dabarkads pero noong Sabado lang niya ito inilabas sa national television.

Sa kuwento niya, nagtaka siya kung bakit natagalan ang workers na tapusin ito. Rason ng manggawa, lagi raw nasisira ang kanilang gamit.

Nasabi ng Asia’s Multimedia Star ang pangyayari pati na kay Father Jeff na chief exorcist priest ng Antipolo Diocese.

Sa rebelasyon ng Kapuso actor, may mga naka-attach daw na evil spirits sa bahay nila. Ipina-renovate lang kasi niya ang biniling bahay at lupa.

“Mabigat sa may master’s bedroom at sa sala. Luckily, nataboy ‘yung evil spirit at maaliwalas na ito ngayon,” sabi pa ni Alden.

Matibay ang pananampalataya si Alden kaya naman sa karanasan niyang ‘yon, naibabahagi niya ang nasaksihan bilang speaker.

Jun Nardo