HATAW! D'yaryo ng Bayan hatawtabloid.com
TAPOS na ang “boxing” nina Super Tekla at ka-live-in partner niyang si Michelle Lhor Bana-ag. Panalo si Tekla!
Dinala ni Michelle sa broadcaster na si Raffy Tulfo ang sumbong kay Tekla. Handang tulungan ni Tulfo si Michelle.
Eh nang imungkahi ni Raffy na magpa-drug test si Michelle, tumanggi ito. Dahil sa pagtanggi niya, nagsalita na ang broadcaster na tutulungan si Tekla upang makuha ang custody ng anak nilang si Baby Angelo.
Parang nabunutan ng tinik sa dibdib ang komedyante. Lubha siyang naapektuhan sa isyu.
Mabuti na lang, todo ang suportang ibinigay kay Tekla ng mga kaibigan at iba pang kasamahan sa showbiz. Maging mga netizen ay nakisimpatiya sa kanya sa kasagsan ng problema.
Jun Nardo
