HATAW! D'yaryo ng Bayan hatawtabloid.com
PINALALAKAS pa ng ABS-CBN ang livestream entertainment offerings nito sa paglulunsad ng tatlong digital channels tulad ng For Your Entertainment (FYE), Game KNB, at MYX PH, tampok ang all-original content na mapapanood ng mga Filipino nasaan man silang bahagi ng mundo sa pamamagitan ng community platform na Kumu.
Kasama sa bonggang proyektong ito ng Kapamilya sina Angelica Panganiban, Bianca Gonzalez, Ces Drilon, at Robi Domingo sa iba’t ibang kuwelang programa sa Kumu.
Handa na ang Game KNB? (@gknb) na maghatid ng makabagong game show experience sa mga manonood sa pag-arangkada nito sa Kumu Lunes hanggang Biyernes, 12nn simula ngayong Lunes, Oktubre 12.
Madali lang sumali sa palaro at manalo ng hanggang P10K araw-araw sa unang season. Mapapanood din ang pagbabalik ng pambansang game show sa Jeepney TV, kasama ang bagong host nitong si Robi.
Samantala, nagsimula lamang noong Hulyo ang FYE (@fyechannel) pero mayroon na itong 120K followers na inaabangan ang celebrity streamers sa paghahatid nila ng good vibes, mga palaro, at performances.
Puno ng katatawanan ang mga programang Awaaards Night, Kwentong Macoy, Pop-Up Comedy Bar, at Lakas Tawa. Tampok naman ang mga artista na ka-interact ang kanilang fans sa Ambagets, RISE Here, Right Now and ”We RISE Together. Masasayang kuwentuhan ang hatid ng Bawal Ma-Stress Drilon, Hey Hershey, Kumustahan with Fr. Tito Caluag, Metro Chats, Metro K-Drama Club, MYXclusive, Pop Cinema, Secret Ladies Club, Talak ni Mameh Grace and The Best Talk. May dala namang beauty at fashion tips ang Beauty and the Besh, Manhacks, at Style Me Now, at positive vibes ang Chink Positive at ang Hanz Swerte! Hanz Saya!
SHOWBIZ KONEK
ni Maricris Valdez Nicasio
