HATAW! D'yaryo ng Bayan hatawtabloid.com
NATUPAD na ang isa sa mga bucket list ng presidente at CEO ng Beautederm Corporation na si Rhea Anicoche-Tan. Ang maging endorser/ambassador ng kanyang produkto si Piolo Pascual.
Pag-amin ni Tan, ”Nasa bucketlist ko na si Piolo magmula noong sinimulan ko ang kompanya 2009. With hard work, careful planning, and prayers nagkatotoo na ang aking pangarap to have him as one of my ambassadors.”
Kaya naman sa ikatlong quarter ng taon sa pamamagitan ng isang milestone, pormal nitong inilahad ang pagiging dagdag sa lumalaking pamilya at pinakabagong celebrity brand endorser ni Piolo.
“I have always admired his body of work as one of the most accomplished and respected artists in the industry,” sambit ni Tan.
Bale ngayong taon din ipinagdiriwang ng Beautederm ang kanilang ika-11 anibersaryo bilang isa sa mga major key players ng beauty and wellness industry sa bansa. At ang pagkakasama ni Piolo bilang ambassador ng brand ay isa sa mga bigating sorpresa na inihanda ng kompanya para sa mga loyal customer, resellers, at distributors ngayong taon.
Hindi nga maitago ni Tan, na pinangaralan ng People Asia magazine sa prestihiyosong roster ng taunang Women of Style and Substance issue nito ngayong Setyembre, ang kasiyahan sa pagkakasamang ang award-winning actor sa kompanyang kanyang itinatag 11 years ago.
Ineendoso ni Piolo, na very active at healthy ang lifestyle, ang Beau Charcoal Soap mula sa Spruce & Dash men’s line ng brand, isang best-seller at paboritong produkto ng libo-libong consumers. Ito ay FDA notified at certified Superbrands bath soap ang Beau. Nagde-detoxify at nag-exfoliate ito habang nagbibigay ng clean, fresh, at delicious scent lalo na para sa mga abalang kalalakihan na laging on the go gaya ni Piolo.
“Longtime user ang kapatid kong babae ng Beautéderm products, marami na akong nabasa tungkol sa brand, at nakaririnig ako ng positive feedback tungkol sa brand mula sa aking mga kasamahan sa trabaho,” ani Pascual. ”Daily essential para sa akin ang Beau as it truly delivers its promises –relaxed, energized, atrejuvenated ako tuwing nag-shoshower ako after a long day.”
Nagpapasalamat din si Anicoche-Tan sa patuloy na support ng mga loyal Beautéderm users sa gitna ng pandemya. ”Patuloy kaming magiging faithful sa aming commitment na pagsilbihan ‘di lamang ang aming users kundi pati na rin ang aming resellers at distributors sa paged-develop ng mga produkto na mataas ang kalidad. We have partnered with Piolo dahil marami kaming similarities and chief among them is our unrelenting passion for excellence. Humbled kami na bahagi na siya ng aming pamilya.”
Si Piolo naman, na isa ring negosyante ay inspired sa business model ng Beautéderm. ”Nakatutuwang malaman na maraming tao kasama na ang kanilang mga pamilya ang natutulungan ng brand dahil sa business opportunities na naibibigay nito sa mga reseller at distributors sa buong bansa. Their sales force is one of the most hard-working teams I’ve ever seen and I am honored to be part of Beautéderm.”
Para sa mga exciting na balita at lahat ng mga hottest updates ukol sa Beautéderm at kay Piolo, sundan ang @beautédermcorporation sa Instagram, i-like ang Beautéderm sa Facebook, at mag-subscribe sa BeautédermTV sa YouTube.
SHOWBIZ KONEK
ni Maricris Valdez Nicasio
