HATAW! D'yaryo ng Bayan hatawtabloid.com
SA WAKAS ay nakahanap rin ng kakampi ang Filipino na sinabing tingangayan ng dalawang anak na paslit at ipinakulong sa Australia.
Tatlong senador ang sinabing sumaklolo Inocencio “Coy” Garcia at inatasan umano ang Department of Foreign Affairs (DFA) para tulungan at tutukan ang kaso ni Garcia.
Isa pang senador ang humiling sa DFA na tulungan at tutukan ang kaso ni Garcia sa bansang Australia na tinangayan ng dalawang anak, edad 3 at 2 anyos.
Naganap ito noong 23 Setyembre 2014 sa kanyang bahay sa Mt. Druitt, Sydney, Australia ng mga tauhan ng social workers habang siya ay nasa kanyang trabaho.
Ayon kay Senator Imee Mmarcos sa panayam sa isang radio program, nakalulungkot ang nangyari sa isang kababayan natin sa Australia na matapos matangayan ng dalawang anak ay ikinulong pa sa kasong unlawful broadcast and publish child names.
Hindi umano tama na ang ating consulate sa Sydney ay magbigay lamang ng list of lawyers at panoorin lamang ang kaso ng kababayan natin.
Hinihingi nito ang mga dokomento para mapag-aralan at maibigay ang lahat ng legal na tulong kay Garcia para mabawi ang dalawang menor de edad na anak at makalaya.
Nauna nang sumulat sina Senator Christopher “Bong” Go at Senator Ramon “Bong” Revilla Jr., kay Secretary Teodoro Locsinm Jr., na alamin at tulungan si Garcia ngunit 10 araw na ang nakalilipas mula nang hatulan, ni tawag or text ay wala pang nakararating sa pamilya mula sa Konsulado ng Filipinas sa Sydney.
Unang nagreklamo si Garcia ng child abuse at rape sa social worker laban sa uncle ng kanyang asawa noong siya ay 15 anyos pa lamang.
Ngunit imbes aksiyonan ang kanyang reklamo, nabaliktad ito sa sumbong na malnutrition at domestic violence dahilan para kunin ang kanyang dalawang anak habang siya ay nasa trabaho.
Nagsampa ng kasong kidnapping si Garcia laban sa mga tauhan ng Department of Community Service (DOCS) sa Mt. Druitt , New South Wales, Australia, ngunit hindi ito pinakinggan ng korte, sa halip pinaboran nito ang mga tauhan ng social workers.
Ayon kay Garcia, bilang kidnap victim, karapatan niyang i-broadcast at i-publish ang mga pangalan at larawan ng kanyang anak sa social media na siyang ikinaso sa kanya at ikinakulong ng 14 buwan, 7 buwan na walang parol at wala pang bail.
Kinondina ni Garcia ang pang-aabuso sa kapangyarihan ng social worker na dapat ipinaalam muna sa mga magulang bago kunin ang mga bata.
Dapat bigyan din ng option kung may mga kamag-anak na puwedeng magkustodiya at maging ang korte na hindi siya binigyan ng fair trial.
Tinakot din umano ang kanyang abogado kaya napilitang magbitiw sa kaso at maging si Garcia ay pilit din umanong pinatatahimik.
‘AMBUSH ME’
BA ITO,
MAYOR ARVIN
SALONGA?
NAPABALITA nitong Martes, 8 Setyembre 2020, ang pagtatangka umano sa buhay ni San Antonio town mayor Arvin Salonga ng Nueva Ecija sa bayan ng Jaen dakong 8:30 am.
Base sa ulat ng pulisya na nalathala rin sa mga pahayagan, inambus ng apat na suspek, lulan ng mga motorsiklo, at walang habas na pinaputukan ang sasakyan ni Mayor Salonga — isang itim na Toyota Land Cruiser, may plakang ZTU-515 — nang siya ay tumatawid sa isang tulay sa Jaen, malapit sa checkpoint ng mga pulis.
Sa kabutihang palad umano, hindi nasaktan si Mayor Salonga na siyang nagmamaneho ng kanyang sasakyan, ngunit sugatan ang kanyang kasamang bodyguard na si Danny Camelo, 53 anyos.
Tumakas ang mga suspek patungong San Leonardo, ang bayang tinubuan ang alkalde.
Pero marami ang nagtataka sa detalye ng insidente na maaring ‘di binanggit ni Mayor Salonga sa mga pulis. Kaya siguro naging ‘katawa-tawa’ ang insidente para sa mga opisyal ng probinsiya.
Sa affidavit kasi ni Salonga, sinabi niya nakita niya ang apat na suspek bago namutok sa kanyang sasakyan. Isa sa mga suspek, nakaposisyon sa kaliwang bahagi ng kalsada ang unang pumutok bago sinundan ng mga kasama niya, ang isa ay armado ng mataas na kalibre at mahabang baril.
Ang tanong: “Kung talagang tatambangan siya, bakit magdadala ng mahabang armas ang mga suspek na pihadong makatatawag ng atensiyon sa mga makakikita at sa mga pulis sa malapit na checkpoint?
Dahil sa deskripsiyon ni mayor sa mga kasuotan ng mga suspek, pihadong mapapansin sila ng mga pulis sa checkpoint kung bakit may dalang mahabang armas ang isa sa kanila, pihadong huli agad ang mga ‘yun.
Bukod sa hindi siya tinamaan sa ambush, sinabi ni mayor sa mga lokal na mamamahayag na nakipagpalitan siya ng putok at tinamaan pa niya sa dibdib ang isa sa mga suspek na hindi naman nakita o nahuli ng mga CCTV camera sa lugar.
Gusto ‘atang palabasin ni Mayor na tila eksena sa teleseryeng ‘Probinsyano’ ang nangyari. Pero parang komedya ito, Mayor. Kasi kung nakita niya ang mga suspek at nakipagpalitan pa ng putok, bakit sa mga kuha sa CCTV footage ay humaharurot ang sasakyan ni mayor patakas?
Puwede kayang kakilala ni Mayor ang mga suspek?
Sa totoo lang, ‘di lumalakad si Mayor Salonga mag-isa o isang bodyguard lang ang kasama. ‘Di bababa sa 10 ang laging kasama na naka-convoy sa kanyang sasakyan.
Pangalawa, ang sasakyan ni mayor ay bulletproof, hindi ito tinatagusan ng bala ‘di gaya ng gamit niyang sasakyan nang mangyari ang insidente na parang lumalabas na ‘ambush me?’
Ang sinasabi niyang suspek na tinamaan niya sa dibdib ay parang bulang naglaho at maging ang pulisya ay hinahanap ang eksenang iyon sa mga CCTV.
Kaya halos lahat ng mga tagaroon ay sinasabing hindi kapani-paniwala ang kuwento ni Mayor Salonga.
Pangatlo, ang mga suspek nga raw ay tumakas patungong San Leonardo. E ‘di ba nga, doon galing si Mayor? At bakit napaumaga ang pag-uwi, ‘yan ‘na-ambush’ ka pa tuloy pagtawid ng tulay sa Jaen.
Anoman ang gusto ninyong palabasin dito, eksena man sa ‘Probinsyano’ na halatang ‘scripted’ at malasado ang pagdidirek, palpak ang resulta. Imbes maging aksiyon ang kuwento o palabas, parang naging katawa-tawa o comedy na ‘Probinsyano.’
Sa bagay, si mayor na ang nagsabi, walang bahid politika ang insidente dahil napanalunan niya ang nagdaang halalan nang walang katunggali. Sino ang puwedeng magtangka sa buhay niya kung ganoon?
Ano ang tawag sa nangyari? ‘Ambush me’ ba ito, Mayor?
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
