HATAW! D'yaryo ng Bayan hatawtabloid.com
DALAWA katao ang inaresto nang mahulihan ng tinatayang P1.7 milyong halaga ng shabu sa isang buy bust operation sa Sta. Cruz, Maynila.
Kinilala ang mga suspek na sina Nhedz Dalingding, lalaki, 52, taga-Sultan Kudarat at kasalukuyang nakatira sa Oroquieta St., Sta. Cruz Maynila; at Teresita Honorica, 39, residente sa J. Fajardo Ext. Sampaloc, Manila.
Sa report, naganap ang buy bust operation sa Oroquieta St., Barangay 312, Sta. Cruz, Maynila Martes ng madaling araw.
Nakuha ang nasa 252 gramo ng droga na may estimated value na P1,713,600 sa mga suspek.
Nahaharap sa kasong paglabag sa Sections 5 at 11 of RA 9165 o Comprehensive Dangerous Drugs Act of 2002 ang mga suspek.
