HATAW! D'yaryo ng Bayan hatawtabloid.com
NAKAG-RAISE ng P1,247,177.00 (and still counting) ang concert online ni Mr. Pure Energy Gary Valenciano para naman sa Tawid Pag-Ibig project ng Kapamilya, sa Faith, Hope, Love.
Beyond ecstatic nga ang pakiramdam ni GV dahil wala pa man ang nasabing show, umabot na sa P300K ang pumasok na agad na donasyon sa kanilang panawagan.
“Ganoon ang puso ng Filipino. Kahit hindi nila kakilala, gagawin kung anuman ang kaya nilang ibigay to help out.”
Inamin ni GV sa isang panayam na nang una niyang gawin ang konsiyerto, hindi umayon ang pagkakataon sa kanya at sa bawat kanta niya eh, may mga sabit sa tech. Siya rin kasi, at dalawang pamangkin ang nag-aayos ng set-up nito.
“Pero sa 2nd show, everything was worth it. It was a learning experience with whatever is happening. That we can make a difference. Sabi nga ni Jose Mari Chan, music is the language of the soul. It speaks in ways that words cannot.”
At sa sarili niyang paraan, nagpapatuloy si GV na maging instrumento para sa mga taong ramdam ang sakit na dulot ng pandemyang ito. Higit lahat sa mga kapwa niya musikero.
HARD TALK!
ni Pilar Mateo
