HATAW! D'yaryo ng Bayan hatawtabloid.com
PAKAY ng Pambansang Kamao na si Manny Pacquiao na maging world champion din na katulad niya si Tokyo Olympics qualifier Eumir Felix Marcial.
Para malaki ang tsansa ay dalawang respetadong trainers ang ipinatututok ni eight-division world champion Pacquiao kay Marcial.
Sina Hall of Famer Freddie Roach at Justin Fortune ang gagabay sa training program ni Marcial para maging handa sa unang pro fight.
Nais ng MP Promotions na bigyan ng tatlong laban si Marcial bago ito sumabak sa Olympics na gaganapin sa Hulyo 2021.
Nobyembre ang target date ng unang salang ni three-time Southeast Asian Games champion, Marcial at kapag naselyuhan ito ay agad na tutulak ang Pinoy boxer sa Los Angeles, California upang masimulan ang training nito kina Roach at Fortune.
Inaabangan na lang ni MP Promotions chief Sean Gibbons na maikasa ang laban ng kanilang bataan.
ni ARABELA PRINCESS DAWA
