Joy ng Sexbomb, balik-telebisyon via Tagisan Ng Galing

NAKATUTUWA naman ang ibinalita ng kaibigang Joy Cancio, dating manager ng Sexbomb. Paano’y magbabalik-telebisyon na siya. Ito’y sa Tagisan Ng Galing (Part 2) sa Net 25, Eagle Broadcasting.

Ayon sa kuwento ni Joy, sa September 5 na ang pilot episode nito at 12 noon at makakasama niya ang dating alaga sa Sexbomb noong sina Mia Pangyarihan gayundin sina Joshua Zamora at Wowie de Guzman. Bale silang apat ang mga hurado sa Dance competition category.

Sinasabing ang Tagisan Ng Galing ang biggest at widest talent competition na may P7-M ang ipinamimigay na cash prizes.

“Tagisan ng Galing part 1 was Singing Contest lang. This time, Part 2 isinama na nila dancing,” chat-kuwento ni Joy. “Ipinagdasal ko nga ito kung will ni Lord for me eh ‘Thy will be done.’

Sinabi pa ni Joy na, ”Kasi 6 months talaga ako stay at home, work at home. Sabi ko if this is a blessing from you, please protect me from any diseases esp from this Covid…. kung hindi naman para sa akin, ok lang. Mas gusto ko na safe. E it was awarded to me —”

Dagdag pa ni Joy, ”When Mia Pangyarihan told me na hinihingi ang no. ko ng Net 25, sabi ok. Then she asked me if I’m willing and able to do it? Sabi ko ‘sige ‘pag pray ko.’”

At tuloy na tuloy na nga ang muling paghataw niya sa telebisyon kaya magpakitang gilas na sa pagsayaw at manalo ngP2-M.

Ang #TagisanNgGaling PART 2 ay tumatanggap na ng audition videos for Dancing Category! =ØzÝ

Ito ay open for: Solo, Duo, or Groups of up to 5 members. Audition Video Requirements: Full body/group shot; Landscape orientation; Music must be loud enough; No editing/watermark; File must be in mp4 or mov format. Contact SHING at 0995-880-8004 to know how to submit your entries.

Kaya SALI NA!

SHOWBIZ KONEK
ni Maricris Valdez Nicasio