Kim Chiu, sobrang nalungkot sa pagtatapos ng Love Thy Woman

AMINADO ang Star Magic at Kapamilya talent na si Kim Chiu na nang mag-pack up na ang set nila sa huling lockdown taping ng Love Thy Woman, masakit ang loob nilang lahat at maraming alaala siyang hindi makalilimutan.

 

At sa mga pangyayaring kinaharap niya na ang isang negatibong sitwasyon eh, nagawa pa niyang maging positibo, nagpapasalamat na lang ang dalaga sa kinahinatnan nito.

 

“Ngayon, dahil sobra akong matakaw, I decided to spend my 2 hours everyday doing my workouts habang tutok ako sa panonood ng K-Drama na, ‘It’s Okay To Not Be Okay.’ Kaya, ayaw ko mag-diet. So, hula hoops, jumoing rope, biking. Para sa endorphins ko. Masakit din kasi sa dibdib kung papansinin ang mga nega. Wala naman tayo magagawa.

 

“We are thankful na nag-number one sa iWant ang ‘Love Thy Woman.’ Ginawa naming masaya ang Lockdown taping. Kinailangan mag-adjust. Naka-independent. Kasi, para kang nasa ibang bansa. Isa lang ang PA na kasama ko. Lahag mamj nakasakay sa isang van. Dati, kanya-kanya kami sasakyan. ‘Yung damit na hagamitin namin, dinadala na lang and sanitized siya. After taping, sama-sama sa dinner. Dati, isang kama kaming mga girls, parang nasa dorm. Ngayon, mono blocks na lang. 

 

“Nung malaman namun ang sad fate of ABS-CBN, nasa taping kami. Lahat kami tahimik. Wala’ng usap-usap. Tunganga na lang. Tapos, may nagsabi, may taping pa tayo! 

 

“And now, abangan na nila ang mga susunod na mga eksena namin sa ‘Love Thy Woman.’ One and a half years journey. Nung pumasok ang 2020, ang saya ko kasi puno ng gagawin. Endorsement. TV. Movie. Buong January ‘yun. Then, naiba na. Kaya Happy New Year sa 2021 na. 

 

“Iba-iba ang feelings. Parang krayola. ‘Yung 8 colors ng crayons. From the brightest to the darkest.  Kung may ma-imbento na vaccine, the first thing I would do eh, yakapin ang lahat ng mahal ko, i-beso-beso. ‘Yung mga ‘di kayang gawin now. Picture-picture na sobra’ng lapit ng cheeks niyo sa isa’t isa. Now, am just picking myself up. Just sharing good vibes sa mga tao.”

 

For sure, ang mga dumilim na kulay sa ilang parte ng buhay ni Kim ngayon ay napupunuan ng mga magagandang kulay naman sa paintings na ginagawa ni Xian Lim para sa kanya ngayong Quarantine!

 

Hindi sila lumalabas. Bawal!

HARD TALK!
ni Pilar Mateo