JakBie, sa kusina nag-date

MARAMING paraan ang nahahanap nina Jak Roberto at Barbie Forteza, o mas kilala bilang JakBie para makapag-date pa rin kahit naka-quarantine. Para sa kanila, ang mahalaga ay ang oras na magkasama silang dalawa.

 

Kamakailan, nagkaroon ng bonding moment ang dalawa sa kusina at ibinahagi nila ito sa latest vlog nila. Ipinagluto ni Jak ang kanyang girlfriend ng espesyal na version niya ng King Crab! Kitang-kita naman sa video na nag-enjoy ang mag-jowa sa kinain nila.

 

At mukha ngang naparami ng kain sina Jak at Barbie kaya naman nagbiro ang aktres na, “Mag-promise tayo. Magda-diet na bukas, promise!”

 

Dagdag pa na kuwento ni Jak, “Noong nag-Japan tayo, hindi ko masyadong na-appreciate ‘yung king crab na kinain natin doon kasi steamed lang. Pero ito, nilagyan namin ng butter, garlic at saka kaunting sugar, kaunting salt. Binoil ko lang ng five minutes [‘yung crab] bago ko ilagay sa butter saka garlic. Ang sarap!”

 

Samantala, habang hindi pa nagbabalik-taping si Barbie para sa primetime series na Anak ni Waray vs Anak ni Biday, patuloy pa rin siyang napapanood sa rerun ng Meant To Be kasama si Jak sa GMA Telebabad.

Rated R
ni Rommel Gonzales