HATAW! D'yaryo ng Bayan hatawtabloid.com
Martes pa lang ng umaga ay naka-post na sa Facebook Page ni Dovie San Andres ang larawan ng character actor na si John Regala na mag-isang nakaupo sa tindahan sa Pasay at nanghihingi ng tulong sa mga dumaraan sa lugar.
Hinihintay rin ni John ang nurse na magbibigay sa kanya ng gamot.
Masyado nang malala ang iniindang sakit sa atay o cirrhosis of the liver ni John na ayon mismo sa aktor ay 14 days na siyang hindi kumakain dahil lahat raw ng kanyang kinakain ay kanya ring isinusuka.
Panawagan ni Dovie ay tulungan ng idol niyang si Raffy Tulfo at ng iba pang nakaluluwag sa buhay si John. Kinabukasan dahil sa napanood din ni Raffy ang video ng kalunos-lunos na kalagayan ni John ay agad siyang tinulungan ng sikat na radio and TV host.
“Napakasaya ko natulongan na si idol John Regala ni idol Raffy Tulfo. Marami talagang nagmamahal kay idol John at sana marami pa ang tumulong sa kanya, lalo na sa mga kapwa niya artista at mga kasamahan niya sa pelikula. Sana tuloy- tuloy na ang paggaling niya. Amen,” mensahe ni Dovie na marami ang nag-like
at nag-comment at nag-share and post.
Close rin si Dovie sa actor na si Rez Cortez at malaki ang respeto niya rito.
VONGGANG CHIKA!
ni Peter Ledesma
