Janella Salvador tumanggi sa alok na talk show ng TV5 (Kung ang ibang artista nakikiusap ng raket)

Bago pa ang lockdown sa buong Metro Manila ay wala nang regular project si Janella Salvador. Ang huling ginawa ng young singer-actress sa ABS-CBN ay Killer Bride na pinagbidahan nilang dalawa ni Maja Salvador kasama ang na-link kay Janella for a while na si Joshua Garcia.

Kung may project man si Janella sa Kapamilya ay guesting lang na naapektohan pa nang ipinatupad ang enhanced community quarantine (ECQ) sa buong Luzon.

Ang nakalolokah, may alok na talk show kay Janella ang TV 5 pero tinanggihan raw ng actress na hanggang ngayon ay wala namang ibinibigay na rason kung bakit ini-turndown ang offer sa kanya ng Singko.

Nagreklamo sa programa ni Raffy Tulfo ang dating babaeng handler ni Janella na umano ay hindi siya binayaran ng actress sa huling suweldo niya na nagkakahalaga ng P3,600.

Pero siguro mababaw na rason ito o dahilan kung bakit umayaw si Janella na makatrabaho ang mga taga-TV5. O baka naman binarat ang TF niya, ‘di kaya? At least can afford ang dalaga na tumanggi unlike her other co-stars na nawalan ng trabaho sa ABS-CBN at nakikiusap na sana ay mabigyan sila ng proyekto or else nganga sila at ang kanilang pamilya.

VONGGANG CHIKA!
ni Peter Ledesma