Pastry business ni Ai Ai, lumalago

ISA si Comedy Queen Ai Ai delas Alas sa mga artistang naisipang magbukas ng negosyo sa gitna ng quarantine matapos pansamantalang maantala ang kanilang trabaho bunsod ng Covid-19 pandemic.

Dahil sa pamamalagi sa bahay, napagdesisyonan ni Aiai na gamitin ang  culinary skills at simulan ang isang pasty business na hango sa kanyang tunay na pangalan, ang Martina’s Bread and Pastries.

Sa kasalukuyan, matagumpay at patuloy na lumalago ang baking business ng Kapuso actress. Isa sa mga natutuhan niya sa baking ay importante ang tama at saktong sukat ng ingredients, “Ngayon ko lang din nalaman na ang yeast ay nag-o-overheat. Isa sa secret is precision, kailangan precise dapat ‘yung recipe mo.”

Masaya namang ibabahagi ni Aiai ang kanyang mga napagdaanan habang binubuo pa lamang ang baking business pati na rin ang ilang recipes sa kanyang guesting sa fresh episodes ng Mars Pa More kasama ang hosts at Kapuso moms na sina Camille Prats at Iya Villania.

Abangan ang kanilang masayang chikahan sa Lunes (July 27), 8:50a.m., sa GMA Network.

Rated R
ni Rommel Gonzales