HATAW! D'yaryo ng Bayan hatawtabloid.com
PATAY ang isang lalaki matapos paulanan ng bala ng hindi kilalang mga suspek sa Baseco Compound, Port Area sa Maynila.
Sa ulat ng MPD, 12:00 ng tanghali nang mangyari ang insidente sa Block 10 New Site, Baseco Compound Port Area, Maynila.
Nakasuot ng sando, shorts at nakatsinelas ang biktima na iniwang nakabulagta sa kalsada.
Narekober sa crime scene ang 10 basyo ng bala ng 9 mm.
Kasalukuyang iniimbestigahan ng mga imbestigador ng MPD -Homicide Section ang insidente habang inalaam ang pagkakakilanlan ng biktima.
Inaalam na rin kung sino ang salarin na pumatay sa biktima na tumakas matapos ang krimen. (VV)
