Billy Crawford, balik-GMA?

NAG-TEXT kami kay Billy Crawford para tanungin  kung totoo ba ‘yung nakarating sa amin na kinukuha siya ulit ng GMA 7 pagkatapos magsara ng ABS-CBN.

 

Bagamat talent ng Viva Artist Agency si Billy, sa mga show naman ng Kapamilya Network siya napapanood mula noong bumalik siya sa ‘Pinas at iwan ang pagiging international singer.

 

Pero for the record, sa Kapuso Network naman siya talaga nagsimula. Naging member siya noong 80’s ng sikat na sikat na youth-oriented variety show na That’s Entertainment hosted by the late German Moreno. Kaya nga ang tanong namin sa kanya ay kung kinukuha ba siya ulit.

 

Ang tanging sagot sa amin ni Billy ay, “nope! Not at all!”

 

Sinundan namin ang tanong sa kanya na what if kunin nga siyang muli ng Siete? Ang reply niya, “Medyo mas malaki pa sa network itong problema natin Rom. Malaki ang respeto ko sa GMA kasi roon ako nagsimula at doon din ako lumaki. Never kong kinalimutan ‘yun. Mismong sila nakikiramay nga sa mga Kapamilya. Nakakataba nga ng puso na makitang nagkaka-isa tayo sa panahon ngayon. I’m still a Kapamilya. And I will pray hard for resolutions. Pero one thing that comes before all of this ay ang aking sariling pamilya, si Coleen at ang aming anak ang uunahin ko. ‘Yan ang priority ko sa buhay ngayon. That’s my responsibility bilang asawa at bagong ama.”

MA at PA
ni Rommel Placente