BI Modernization Act isinusulong sa Senado

ISINULONG ni Senator Christopher “Bong” Go ang Bureau of Immigration Modernization Act of 2020 sa pamamagitan ng Senate Bill 1649.

 

Sinabi ni Go, layon nitong maamyendahan ang lumang batas para mas mapabuti ang serbisyo ng Immigration, mas maaalagaan ang mga Filipino at mas maprotektahan ang bansa sa iba’t ibang panganib na puwedeng dumaan.

 

Ipinaliwanag ni Go, taong 1940 naisabatas ang Philippine Immigration Act at sa rami ng mga nangyari at puwede pang mangyari sa hinaharap,  panahon na para gawing moderno ang immigration services.

 

Nakasaad sa panukala ni Go, magkaroon ng improved guidelines para ma-monitor ang mga dayuhan  na papasok sa bansa.

 

Giit ni Go, first line of defense ng bansa ang Bureau of Immigration, kaya naman dapat unahan ng bansa ang nagbabagong anyo at diskarte  ng mga dayuhang may masamang balak at magsasamantala sa mga Pinoy.

 

Nakapaloob din sa panukala ang pagkategorya sa mga non-immigrants at types ng visa gaya ng temporary visitors, transit persons, treaty traders and investor, accredited government officials, students, pre-arranged employment, religious  workers, representatives of accredited international organization, government agencies, media workers, exchange visitors, refugees at special non-immigrants.

 

Mapapabuti rin sa panukala ang compensation scheme ng mga nagtatrabaho sa ahensiya kaya maiiwasan ang katiwalian at mas mabibigayn sila ng kapasidad na pagbutihin ang kanilang trabaho. (CYNTHIA MARTIN)