HATAW! D'yaryo ng Bayan hatawtabloid.com
SUGATAN ang dalawa katao matapos sumabog ang LPG sa loob ng isang bahay sa Malate, Maynila.
Kinilala ang mga sugatan na sina Jerson Panong, binata, aircon technician; at isang alyas Jr., binata , helper, at kapwa nakatira sa 2566A Singalong Street, Barangay 728, Malate, Maynila.
Sa ulat, isinugod ang mga biktima sa Philippine General Hospital (PGH) upang agad malapatan ng lunas ang mga sugat matapos ang pagsabog sa nasabing tirahan.
Nabatid na nagkaroon ng gas leak na naging dahilan ng pagsabog at pagkasugat ng mga biktima bukod sa napinsalang motorsiklo at iba pang kalapit na bahay.
Nagpapatuloy ang imbestigasyon ng pulisya sa insidente. (VV)
