HATAW! D'yaryo ng Bayan hatawtabloid.com
Dalawang linggong namahinga sa kanyang social media accounts ang controversial personality na si Dovie San Andres na matagal nang based sa Canada kasama ng pamilya.
Ang rason ay dumanas ng matinding depression si Dovie dahil sa mga panloloko at panggagamit sa kanya hindi lang ng mga guy na kanyang minahal kundi ng ibang tao kabilang na ang pekeng director na penerahan lang siya at nabaon sa utang sa kanyang ex foreigner husband.
Dapat ay noon pa natupad ‘yung pangarap ni Dovie na maging artista gayondin ang kanyang mga artistahing mga anak, pero dahil sa bogus ang nakilalala ni Dovie na director sa social media ay naunsyami nga na umabot pa sa halos hindi na sila makauwi pabalik ng Canada dahil inubos ng nasabing malasadong director ang pera ng kaibigan naming personalidad.
Ngayon ay gusto uling magsimula ni Dovie ng bagong chapter ng kanyang buhay.
Noong mamahinga siya at iniwan pansamantala ang Facebook, nang kanya itong balikan recently ay dinagsa ng sari-saring mensahe ng pag-aaalala at pagmamahal si Dovie mula sa kanyang mga kaibigan at supporters.
Pero para kay Dovie, walang makapapantay ang pagmamahal sa kanya ng namayapang indie actor-model boyfriend na si Khristian Michael Villanueva. Naging tapat at totoo raw ito sa kanya at mahigpit na bilin ay huwag nang magpaloko lalo sa mga stranger.
Isa pa sa hindi niya makalimutan sa kanyang Papa Michael, ang tawag sa kanya nitong The Lady In Red, say pa ni Dovie nang amin siyang maka-chat lately.
VONGGANG CHIKA!
ni Peter Ledesma
